തിരുവനന്തപുരം: കടയ്ക്കാവൂര് പോക്സോ കേസില് അമ്മ മകനെ പീഡിപ്പിച്ചെന്ന ആരോപണം വ്യാജമെന്ന് അന്വേഷണ സംഘത്തിന്റെ കണ്ടെത്തല്. പതിമൂന്നുകാരന്റെ മൊഴി വിശ്വാസയോഗ്യമല്ലെന്ന് പ്രത്യേക അന്വേഷണസംഘം കോടതിയില് അറിയിച്ചു. പരാതിക്ക് പിന്നില് പരപ്രേരണയില്ലെന്നും റിപ്പോര്ട്ടിലുണ്ട്. കണ്ടെത്തലുകള് വിശദമായ ശാസ്ത്രീയ പരിശോധനയ്ക്ക് ശേഷമെന്നും അന്വേഷണസംഘം കോടതിയില് വ്യക്തമാക്കി
മൂന്ന് വര്ഷത്തോളം പതിമൂന്നുകാരനെ ലൈംഗിക ചൂഷണത്തിനിരയാക്കിയെന്നായിരുന്നു പരാതി. തുടര്ന്ന് കടയ്ക്കാവൂര് പൊലീസ് കുട്ടിയുടെ അമ്മയെ ഇക്കഴിഞ്ഞ ഡിസംബര് 28ന് അറസ്റ്റ് ചെയ്തിരുന്നു. വ്യക്തിപരമായ വിരോധങ്ങള് തീര്ക്കാന് മുന് ഭര്ത്താവ് മകനെക്കൊണ്ട് കള്ള മൊഴി നല്കിപ്പിച്ചതാണെന്നായിരുന്നു സ്ത്രീയുടെ വാദം. എന്നാല് മകനെ ഉപയോഗിച്ച് കള്ള പരാതി നല്കിയിട്ടില്ല. ഒരു കുട്ടിയിലും കാണാന് ആഗ്രഹിക്കാത്ത വൈകൃതങ്ങള് മകനില് കണ്ടെന്നും ഇതിനെ തുടര്ന്നാണ് പൊലീസില് വിവരം അറിയിച്ചത് എന്നുമായിരുന്നു സ്ത്രീയുടെ മുന് ഭര്ത്താവിന്റെ വാദം.
അമ്മയ്ക്കെതിരായ പരാതി വ്യാജമാണെന്നായിരുന്നു യുവതിയുടെ ഇളയ മകന് പറഞ്ഞിരുന്നത്.
Discussion about this post