ചണ്ഡീഗഢ്: ഇതിഹാസ സ്പ്രിന്റര് മില്ഖാ സിംഗ് അന്തരിച്ചു. 91 വയസായിരുന്നു. കോവിഡാനന്തര പ്രശ്നങ്ങള് അദ്ദേഹത്തെ അലട്ടുന്നുണ്ടായിരുന്നു. മെയ് 20നായിരുന്നു അദ്ദേഹത്തിന് കോവിഡ് ബാധിച്ചത്. പിന്നീട് നെഗറ്റീവായെങ്കിലും ശരീരത്തില് ഓക്സിജന്റെ അളവില് കുറവ് വന്നതോടെ വീണ്ടും ചണ്ഡീഗഢ് പി ജെ ഐ എം ഇ ആര് ആശുപത്രിയില് പ്രവേശിച്ചു. എന്നാല് ആരോഗ്യനില വഷളാവുകയും വെള്ളിയാഴ്ച്ച രാത്രി 11.30യോടെ മരണം സ്ഥിരീകരിക്കുകയുമായിരുന്നു.
ജൂണ് 14ന് മില്ഖാ സിംഗിന്റെ ഭാര്യയും ഇന്ത്യന് വോളിബോള് ടീമിന്റെ മുന് ക്യാപ്റ്റനുമായിരുന്ന നിര്മല് കൗര് കോവിഡ് ബാധിച്ച് മരിച്ചിരുന്നു.
‘പറക്കും സിഖ്’ എന്ന് വിശേഷിപ്പിക്കപ്പെടുന്ന മില്ഖാ സിംഗ് രാജ്യം കണ്ട എക്കാലത്തെയും മികച്ച അത്ലറ്റായാണ് വിലയിരുത്തപ്പെടുന്നത്. 400 മീറ്ററില് ഏഷ്യന് ഗെയിംസിലും കോമണ്വെല്ത്ത് ഗെയിംസിലും സ്വര്ണം നേടിയ ഏക ഇന്ത്യന് അത്ലറ്റാണ്.
Discussion about this post