പത്തനംതിട്ട: മാര്ത്തോമ്മാ സഭാ വലിയ മെത്രാപ്പൊലിത്ത പത്മഭൂഷണ് ഡോ.ഫിലിപ്പോസ് മാര് ക്രിസോസ്റ്റം (103) കാലം ചെയ്തു. വാര്ദ്ധക്യ സഹജമായ അസുഖങ്ങളെ തുടര്ന്ന് തിരുവല്ലയിലെ സ്വകാര്യ ആശുപത്രിയിലായിരുന്നു അന്ത്യം. കബറടക്കം നാളെ.
ലോകത്തെ തന്നെ ഏറ്റവും പ്രായം കൂടിയ മെത്രാപ്പോലിത്തയായിരുന്നു ഫിലിപ്പോസ് മാര് ക്രിസോസ്റ്റം. ഏപ്രില് 27നാണ് അദ്ദേഹത്തിന് 104 വയസ് തികഞ്ഞത്.
കുമ്പനാട് കലമണ്ണില് കെ.ഇ ഉമ്മന് കശീശയുടെയും ശോശാമ്മയുടെയും മകനായി 1918 ഏപ്രില് 27നാണ് ജനനം. തിരുമേനിയുടെ ആദ്യനാമം ഫിലിപ്പ് ഉമ്മന് എന്നാണ്. മാരാമണ്, കോഴഞ്ചേരി, ഇരവിപേരൂര് എന്നീ സ്ഥലങ്ങളില് നിന്നും ഹൈസ്കൂള് വിദ്യാഭ്യാസം പൂര്ത്തിയാക്കി. ആലുവാ യുസി കോളേജിലെ ബിരുദ പഠനത്തിന് ശേഷം ബാംഗ്ലൂര് യൂണിയന് തിയോളജിക്കല് കോളേജ്, കാന്റര്ബറി സെന്റ്.അഗസ്റ്റിന് കോളേജ് എന്നിവിടങ്ങളില് നിന്നും ദൈവശാസ്ത്ര വിദ്യാഭ്യാസം നടത്തി.
1953 മേയ് 23ന് മാര്ത്തോമ്മാ സഭയില് എപ്പിസ്കോപ്പയായി അഭിഷിക്തനായി. 1999 മുതല് 2007വരെ സഭയുടെ പരമാധ്യക്ഷനും.
Discussion about this post