തിരുവനന്തപുരം: കേരളത്തിലും കോവിഡ് വ്യാപനം രൂക്ഷമായിക്കൊണ്ടിരിക്കുകയാണ്. ഈ പശ്ചാത്തലത്തില് പൊതു ഇടങ്ങളിലെ തിരക്കു കുറയ്ക്കാന് കര്ശന നടപടികള് വേണമെന്ന് പോലീസ്. കോവിഡ് വ്യാപനം കുറയ്ക്കുന്നതിന് രാത്രികാല കര്ഫ്യൂ ഏര്പ്പെടുത്തണമെന്നതാണ് മുഖ്യ നിര്ദേശം. വിവിധ നിര്ദേശങ്ങള് പോലീസ് ചീഫ് സെക്രട്ടറിക്ക് മുമ്പാകെ വച്ചു.
വര്ക്ക് ഫ്രം ഹോം വീണ്ടും നടപ്പാക്കണമെന്നും നിര്ദേശമുണ്ട്. സര്ക്കാര് ഓഫീസുകളില് വര്ക്ക് ഫ്രം ഹോം വീണ്ടും ഏര്പ്പെടുത്തണം. സ്വകാര്യ സ്ഥാപനങ്ങളെ ഇതിനായി പ്രേരിപ്പിക്കണമെന്നും നിര്ദേശത്തില് പറയുന്നു.
കോവിഡ് അതിവേഗം വ്യാപിക്കുന്ന പശ്ചാത്തലത്തില് സ്വീകരിക്കേണ്ട നടപടികള് ചര്ച്ച ചെയ്യാന് ചീഫ് സെക്രട്ടറിയുടെ നേതൃത്വത്തില് ചേരുന്ന യോഗം പുരോഗമിക്കുകയാണ്. വിവിധ വകുപ്പു മേധാവികള് യോഗത്തില് പങ്കെടുക്കുന്നുണ്ട്.
Discussion about this post