തിരുവനന്തപുരം: അന്യസംസ്ഥാനങ്ങളില് നിന്ന് കേരളത്തിലേക്ക് വരുന്നവര്ക്കുള്ള മാര്ഗനിര്ദേശം പുതുക്കി. ആര്ടിപിസിആര് പരിശോധന നിര്ബന്ധമാക്കി. പരിശോധന കേരളത്തില് എത്തി 48 മണിക്കൂറിനകം നടത്തണമെന്നും നിര്ദേശം നല്കി. ആര്ടിപിസിആര് പരിശോധന നടത്താത്തവര് 14 ദിവസം ക്വാറന്റൈനില് കഴിയണം.
അന്യ സംസ്ഥാനങ്ങളില് ജനിതക മാറ്റം വന്ന വൈറസ് കൂടുതല് അപകടകാരികളാകുന്ന പശ്ചാത്തലത്തിലാണ് തീരുമാനം.മറ്റ് സംസ്ഥാനങ്ങളില് നിന്ന് കേരളത്തിലേക്ക് വരുന്ന എല്ലാവരും ഇ-ജാഗ്രത പോര്ട്ടലില് രജിസ്റ്റര് ചെയ്യണം. വാക്സിന് എടുത്തിട്ടുള്ളവരാണെങ്കിലും സംസ്ഥാനത്ത് എത്തുന്നതിന് മുമ്പ് 48 മണിക്കൂറിനുള്ളില് ആര്ടിപിസിആര് പരിശോധന നടത്തിയിരിക്കണം. അല്ലാത്തവര് കേരളത്തില് എത്തിയ ഉടന് തന്നെ ആര്ടിപിസിആര് പരിശോധനയ്ക്ക് വിധേയരാകുകയും പരിശോധനാ ഫലം ലഭിക്കുന്നതുവരെ അവരവരുടെ വാസസ്ഥലങ്ങളില് റൂം ഐസൊലേഷനില് കഴിയേണ്ടതുമാണ്.
പരിശോധനാഫലം നെഗറ്റീവാകുന്നവര് മാസ്ക് ധരിക്കുക, സാമൂഹിക അകലം പാലിക്കുക, കൈകള് വൃത്തിയാക്കുക തുടങ്ങിയ കോവിഡ് സുരക്ഷാ മാനദണ്ഡങ്ങള് കര്ശനമായും പാലിക്കേണ്ടതാണ്. പനി, ചുമ, തൊണ്ടവേദന, ശ്വാസതടസം, പേശിവേദന, ക്ഷീണം, മണം അനുഭവപ്പെടാതിരിക്കുക, വയറിളക്കം തുടങ്ങിയ ലക്ഷണങ്ങള് കണ്ടാല് ഉടന് തന്നെ വൈദ്യസഹായം തേടേണ്ടതാണ്.
Discussion about this post