തിരുവനന്തപുരം: വിദേശത്ത് നിന്നും മറ്റു സംസ്ഥാനങ്ങളില് നിന്നും കേരളത്തിലെത്തുന്നവരുടെ കാര്യത്തില് നേരത്തെയുള്ള കോവിഡ് പ്രോട്ടോക്കോളില് സംസ്ഥാനം മാറ്റം വരുത്തിയിട്ടില്ലെന്ന് ചീഫ് സെക്രട്ടറി ഡോ. വി.പി. ജോയ്. മറ്റു സംസ്ഥാനങ്ങളില് നിന്ന് കേരളത്തിലേക്ക് വരുന്നവര് ഒരാഴ്ച ക്വാറന്റീനില് കഴിയണം എന്ന വാര്ത്ത ചില മാധ്യമങ്ങളില് പുതിയ തീരുമാനം എന്ന രീതിയില് വ്യാഴാഴ്ച വന്നതിന്റെ അടിസ്ഥാനത്തിലാണ് അറിയിപ്പ്.
നേരത്തേയുള്ള ഉത്തരവ് പ്രകാരം മറ്റു സംസ്ഥാനങ്ങളില് നിന്ന് വരുന്ന, ഏഴു ദിവസത്തിനകം കേരളത്തില് നിന്ന് മടങ്ങി പോകുന്നവര്, ക്വാറന്റീനില് കഴിയേണ്ടതില്ല. മറ്റു സംസ്ഥാനങ്ങളില് നിന്ന് കേരളത്തിലേക്ക് വരുന്നവര് ഏഴു ദിവസത്തില് കൂടുതല് ഇവിടെ കഴിയുന്നുണ്ടെങ്കില് ആദ്യത്തെ ഏഴു ദിവസം ക്വാറന്റീനില് കഴിയേണ്ടതുണ്ട്. എട്ടാം ദിവസം ആര്.ടി.പി.സി.ആര് ടെസ്റ്റ് നടത്തി രോഗമില്ലെന്ന് ഉറപ്പുവരുത്തണം.
Discussion about this post